మీ పిల్లల చెవులను సురక్షితంగా ఎలా శుభ్రం చేయాలి

చెవి గులిమి అనేది మీ పిల్లల చెవులను మురికి మరియు బ్యాక్టీరియా నుండి రక్షించడానికి శరీరం యొక్క సహజమైన మార్గం. ఇది చెవులలో శరీరం ఉత్పత్తి చేసే సెబమ్ (sebum) నుండి ఏర్పడుతుంది. ఇది ఒక రక్షణ కవచంలా పనిచేస్తుంది, మరియు చెవులను శుభ్రపరచడం చాలా ముఖ్యం, ఎందుకంటే ఇది పేరుకుపోవడం వల్ల దురద మరియు అసౌకర్యం కలుగుతాయి. అయితే, చెవులను శుభ్రపరచడం కొన్నిసార్లు కొంచెం సవాలుగా ఉంటుంది. పిల్లల కోసం దూది పుల్లలను ఉపయోగించడం సురక్షితమేనా? వారి చెవులను శుభ్రపరచడం నిజంగా అవసరమా? చింతించకండి, ఈ రోజు మనం మీ పిల్లల చెవుల సంరక్షణ కోసం శ్రమలేని, సురక్షితమైన పద్ధతులను తెలుసుకుందాం.

విషయ సూచిక

1.  మీ పిల్లల చెవులను శుభ్రపరచడం ఎందుకు ముఖ్యం .

2.  మీ పిల్లల చెవులను శుభ్రపరచడానికి సురక్షితమైన మరియు సులభమైన చిట్కాలు .

3.  వైద్యుడిని ఎప్పుడు కలవాలి.

4.  సారాంశం

మీ పిల్లల చెవులను శుభ్రపరచడం ఎందుకు ముఖ్యం

మనం గమనించాల్సిన మొదటి విషయం ఏమిటంటే, మన చెవులకు వాటి స్వంత శుభ్రపరిచే వ్యవస్థ ఉంది. అవును, మీరు చదివింది నిజమే! మన శరీరం చెవులలో సెబమ్ అనే పదార్థాన్ని ఉత్పత్తి చేస్తుంది, ఇది మురికి మరియు బ్యాక్టీరియాను పట్టుకోవడానికి సహాయపడుతుంది. ఈ సహజ ప్రక్రియ మన చెవులను రక్షిస్తుంది మరియు చెవి పొరలను ఆరోగ్యంగా ఉంచుతుంది. అయితే, కొన్నిసార్లు చెవి బయటి భాగంలో మురికి లేదా గులిమి పేరుకుపోవచ్చు, అటువంటి సందర్భంలో తల్లిదండ్రులుగా మీరు మీ బిడ్డను చెవి ఇన్ఫెక్షన్ల బారి నుండి కాపాడటానికి సహాయపడవచ్చు.

నివారించాల్సిన విషయాలు:

పిల్లల చెవులను శుభ్రం చేయడానికి, చెవిని శుభ్రపరిచే సాధనాన్ని తీసుకుని దానితో వారి చెవిని శుభ్రం చేయాలని ప్రజలలో ఒక సాధారణ అపోహ ఉంది, కానీ మీరు అలా చేయడం ఖచ్చితంగా మానుకోవాలి. శుభ్రం చేయడానికి వారి చెవులలో ఏ వస్తువునూ పెట్టవద్దు, ఎందుకంటే ఇది గులిమిని మరింత లోపలికి నెట్టవచ్చు, చికాకు కలిగించవచ్చు లేదా చెవి పొరను కూడా దెబ్బతీయవచ్చు. దానికి బదులుగా, కింద పంచుకున్న దశలను అనుసరించండి:

మీ పిల్లల చెవులను శుభ్రం చేయడానికి సురక్షితమైన మరియు సులభమైన చిట్కాలు

1. బయటి చెవిని శుభ్రం చేయండి

• స్నానం చేయించేటప్పుడు, మెత్తని, తడి గుడ్డతో వారి చెవి బయటి భాగాన్ని సున్నితంగా తుడవండి. చెవుల వెనుక మరియు మురికి దాగి ఉండే మడతలను శుభ్రపరచడంపై దృష్టి పెట్టండి.
• తేమ పేరుకుపోకుండా ఉండేందుకు, ఆ ప్రాంతాన్ని శుభ్రమైన టవల్‌తో మెల్లగా తుడవండి.

2. పొడి మైనపు పేరుకుపోవడానికి గోరువెచ్చని ఆలివ్ నూనెను ప్రయత్నించండి

• ఒకవేళ చెవిలో గులిమి ఎక్కువగా ఉన్నట్లు మీరు గమనిస్తే, కొన్ని చుక్కల గోరువెచ్చని (వేడి కాని!) ఆలివ్ నూనె దానిని మెత్తబరచడానికి సహాయపడుతుంది. మీ బిడ్డ తలను ఒక పక్కకు వంచి, డ్రాపర్ ఉపయోగించి నూనెను వేయండి. చెవిలో కొన్ని చుక్కల నూనెను వేయండి. దానిని ఒకటి లేదా రెండు నిమిషాల పాటు అలాగే ఉంచి, ఆ తర్వాత సహజంగా బయటకు వచ్చే మెత్తబడిన గులిమిని తుడిచివేయండి.
• నూనె వల్ల నొప్పి కలగకుండా ఉండేందుకు, దానిని ఎల్లప్పుడూ చేతిపై వేసుకుని నూనె ఉష్ణోగ్రతను తనిఖీ చేయండి.

3. చెవి కొవ్వొత్తులు లేదా మైనం వాడకండి

• మీరు ఇయర్ క్యాండిల్స్ గురించి విని ఉండవచ్చు, కానీ అవి పిల్లలకు (నిజానికి పెద్దలకు కూడా) సురక్షితం కాదు. అవి కాలిన గాయాలను కలిగించగలవు మరియు చెవిలోని గులిమిని సమర్థవంతంగా తొలగించవు.

4. అవసరమైతే, వైద్యుని చీటీ లేకుండా దొరికే చెవి చుక్కల మందును వాడండి.

• కొన్ని చెవి చుక్కల మందులు సురక్షితంగా గులిమిని తొలగించడానికి తయారు చేయబడతాయి, కాబట్టి మీ బిడ్డ కోసం ఏ చుక్కల మందును ఎంచుకునే ముందు అయినా తప్పకుండా వైద్యుడిని సంప్రదించండి. ఎందుకంటే వారు మీ బిడ్డ వయస్సు మరియు సమస్యకు తగిన చుక్కల మందును సూచిస్తారు.

5. ఈత కొట్టిన తర్వాత శుభ్రం చేసుకోండి

• చురుకుగా ఈత కొట్టే పిల్లలు, చెవులలో ఎక్కువసేపు నీరు ఉండటం వల్ల నొప్పి మరియు చికాకును అనుభవించవచ్చు. వారి తలను ఒక పక్కకు వంచి టవల్‌తో చెవులను తుడవండి, దీనివల్ల టవల్ అదనపు నీటిని పీల్చుకుని, ఈత తర్వాత నీరు సులభంగా బయటకు పోతుంది.

వైద్యుడిని ఎప్పుడు కలవాలి

కొన్నిసార్లు, చెవి సమస్యలకు నిపుణుల సంరక్షణ అవసరం. చెవి నిపుణుడైన వైద్యుడిని సంప్రదించాల్సిన సమయం ఆసన్నమైందని సూచించే ఈ సంకేతాలను గమనించండి:

• నిరంతర చెవి నొప్పి
• వినికిడి ఇబ్బందులు
• చెవి నుండి స్రావం (గులిమి కాకుండా)
• చెవి నుండి దుర్వాసన వస్తోంది

 

మీ డాక్టర్ చెవికి హాని కలిగించే ప్రమాదం లేకుండా సురక్షితంగా గులిమిని తొలగించగలరు లేదా ఏవైనా అంతర్లీన సమస్యలను పరిష్కరించగలరు. ఒకవేళ, మీ పిల్లల చెవిలో ఏదైనా వస్తువు పడితే, అది లోపలికి వెళ్లకుండా ఉండేలా మీ పిల్లలను పడుకోబెట్టి, వెంటనే డాక్టర్ వద్దకు వెళ్లండి.

సారాంశం

మీ పిల్లల చెవులను శుభ్రంగా ఉంచడం అంత సంక్లిష్టమైనది లేదా కష్టమైనది కాదు. మీ పిల్లల చెవులు శుభ్రంగా ఉండి, ప్రతిదీ స్పష్టంగా వినాలంటే, సులభమైన పద్ధతులను పాటిస్తే సరిపోతుంది. చెవి బయటి భాగాన్ని శుభ్రం చేయండి, అలాగే శుభ్రం చేయడానికి మీ పిల్లల చెవి లోపల ఎలాంటి వస్తువులను పెట్టకుండా చూసుకోండి. పైన తెలియజేసిన పద్ధతులను పాటిస్తూ, మీరు ఎటువంటి ఇబ్బంది లేకుండా మీ పిల్లల చెవి పరిశుభ్రతను కాపాడుకోవచ్చు.